Ankhen Bheeg Jati Hain

Samandar Mai Utarta Hun To Ankhen Bheeg Jati Hain
Teri Aankhon Ko Parhta Hun To Ankhen Bheeg Jati Hain

Tumhara Naam Likhne Ki Ijazat Chin Gai Jab Se
Koi Bhi Lafz Likhta Hun To Ankhen Bheeg Jati Hain

Teri Yaadon Ki Khushboo Khirkiyon Mai Rakhs Karti Hai
Tere Gham Mai Sulagta Hun To Ankhen Bheeg Jati Hain

Mai Hans Ke Jhail Leta Hun Judai Ki Sab Hi Rasmein
Galay Jab Us Ke Lagta Hun To Ankhen Bheeg Jati Hain

Na-Jane Ho Gaya Hun Is Qadar Hassas Mai Kab Se
Kisi Se Baat Karta Hun To Ankhen Bheeg Jati Hain

Wo Sab Guzre Hue Lamhaat Mujh Ko Yaad Aate Hain
Tumhare Khat Jo Parhta Hun To Ankhen Bheeg Jati Hain

Mai Sara Din Bohot Masroof Rehta Hun Magar Jun Hi
Qadam Chokhat Pe Rakhta Hun To Ankhen Bheeg Jati Hain

Har Ik Muflis Ke Mathe Par Alam Ki Dastaanein Hain
Koi Chehra Bhi Parhta Hun To Ankhen Bheeg Jati Hain

Bare Logon Ke Unche, Badnuma Aur Sard Mehlon Ko
Ghareeb Ankhon Se Takta Hun To Ankhen Bheeg Jati Hain

Tere Kooche Se Ab Mera Ta’aluq Wajbi Sa Hai
Magar Jab Bhi Guzarta Hun To Ankhen Bheeg Jati Hain

Hazaron Mosamon Ki Hukmarani Hai Mere Dil Par
Wasi Mai Jab Bhi Hansta Hun To Ankhen Bheeg Jati Hain

Urdu poetry source:

urdu poetry

Ho chuka abb kissi

Ho chuka abb kissi ka wo
Kabhi meri zindagi tha wo

Kon bholta hai pheeli mohabbat
Meri saari khushi tha wo

Phoolon ki tarah muskurata tha
Meray honton ki hansi tha wo

Baad barson dekha tha ussay
Aaj be utna he haseen tha wo

Zindagi jiss ke naam kardi faraz
Afsoos log kehtay hain ajnabi tha wo.

Source: Urdu Poetry

Mere naseeb mein phir

Mere naseeb mein phir ye bahar ho k na ho
Najane phir wo mera ghumgusar ho k na ho

Yehi buhat hy k ek shakhs chain pa jaey
Bhale darkht buhat saya dar ho k na ho

Isi gumaan ne kbhi lotne diya na mujhy
Najane usko mera intzar ho k na ho

Magr ye tyy hai k me uske gum men rehta hun
Mere liye wo bhale beqrar ho k na ho

Me dhop ban nhi sakta ‘wasi’kisi k liye
Mere liye koi abr e bahar ho k na ho

Source: Urdu Poetry

Urdu Ghazal - qurbaton mein bhee judai ke

Qurbaton mein bhee judai key zamanay mangay
Dil woh be-mehar ke ronay key bahanay mangay
Hum na hotay tu kisi aur key charchay hotay
Khulqat-e-shaher tu kehnay ko fasanay mangay
Yahi dil tha ke tarasta tha marasim key liay
Abb yahi tarkey-taaluq key bahanay mangay
Apna yah haal keh ji haar chukay lut bhi chukay
Aur mohubaat wohee andaaz puranay mangay
Dil kisi haal pah qane`h hi nahin jaan-e-FARAZ
Mil gaay tum bhee tu kaya aur na janay mangay


Source: Urdu Poetry